İrandan 41 Azərbaycan vətəndaşı təxliyə olunub

İran İslam Respublikasındakı Səfirliyimiz və Təbriz şəhərindəki Baş Konsulluğumuz, habelə İsrail Dövlətindəki Səfirliyimiz Azərbaycan Respublikası vətəndaşları tərəfindən qaynar xəttlərə daxil olan müraciətləri müvafiq qaydada nəzərdən keçirir və zəruri tədbirlər görür. AzVision.az bildirir ki, Xarici İşlər Nazirliyinin mətbuat katibi Ayxan Hacızadə belə açıqlama verib. Azərbaycan XİN-in sözçüsü bununla əlaqədar ilkin mərhələdə İrandakı Səfirliyimizin əməkdaşlarının ailə üzvləri də daxil olmaqla ümumilikdə 41 nəfər Azərbaycan vətəndaşının İran-Azərbaycan sərhəddindən keçidinin təmin edildiyini bildirib. Səfirliklərimiz və müvafiq konsulluğumuz fəaliyyətlərini davam etdirir. AzVision.az